Черрӣ Блейр, ҳамсари сарвазири пешини Бритониё Тонӣ Блейр ширкати матбуотии Руперт Мердокро барои ворид шудан ба паёмгири телефонаш ба додгоҳ кашонид. Сар аз ифшои таҷрибаи дуздии забти сӯҳбатҳои телефонӣ аз тарафи рӯзномаҳои ширкати Нюз Корпорейшн дар моҳи июли соли гузашта даҳҳо парвандаи ҷиноӣ боз ва зиёда аз 40 корманди ин шабакаи хабарӣ ва ширкатҳои мухобиротӣ боздошт шудаанд.
