Раисиҷумҳури Яман Алӣ Абдуллоҳ Солеҳ эълом дошт, ки барои муолиҷа ба Иёлоти Муттаҳида сафар мекунад. Дар паёми телевизионияш вай гуфт, “аз ҳамаи мардум, марду зани кишвараш барои ҳар кӯтоҳие дар 33 соли раҳбарияш узр” мехоҳад. Бино бар хабарҳо, вай аллакай аз Яман берун шудааст. Чанд рӯз пеш порлумони Яман дар ивази истеъфо ба ӯ замонат дод, ки мавриди ҷавобгарии ҷиноӣ қарор нахоҳад гирифт. Ҳоло бояд дар Яман давраи гузариш сар шавад.
