Мақомоти расмӣ дар ноҳияи Румӣ дар вилояти Хатлон пайкараи Ленинро аз маркази ин ноҳия барканда ва ба ҷойи он муҷасаммаи Мавлоно Румӣ, шоиру мутаффакири барҷастаи форсу тоҷикро гузоштаанд. Мақомоти ноҳия мегӯянд, касе ба ин кор мухолифат накард, зеро маркази ноҳия шоистаи пайкараи Румӣ аст, на муҷассамаи рангрехтаи Ленин. Дар Тоҷикистон, батадриҷ пайкараҳои пешвои инқилоби болшевикии Русияро аз маркази ноҳияҳо бармечинанд, агарчӣ гӯруҳҳое аз мардуми кишвар мухолифи ин коранд ва Ленинро ба некӣ ёд мекунанд.
