Сӯҳроб Қурбонов баъди қариб 30 соли раҳбарӣ аз мақоми раиси Иттиҳодияи рассомони Тоҷикистон истеъфо додааст. То анҷумани навбатии Иттиҳодия Ҷамшед Юнусов кафил таъйин шуд. Истеъфои Сӯҳроб Қурбонов дар пайи баҳси давомдории байни ӯ ва як гурӯҳи рассомони тоҷик бар сари молу мулки ин созмони ҷамъиятист. Мунтақидон мегӯянд, ки Қурбонов бо сӯъиистифода аз мақом манзилу дороиҳои марбут ба Иттиҳодияи рассомонро хусусӣ кардааст.
