Иброҳим Яздӣ, аз фаъолони ҷунбиши мухолифини Эрон, ки баъд аз инқилоби исломии соли 1979 муддати кӯтоҳе вазири хориҷа ҳам буд, ба 8 соли зиндон маҳкум шудааст. Ин раҳбари 80-солаи Ҷунбиши Озодӣ бо иттиҳомоти амниятӣ, аз ҷумла иқдом алайҳи амнияти миллӣ ва нашри тавҳину дурӯғ ба додгоҳ кашонида шуда буд. Дар Эрон барои таъқиби фаъолони сиёсӣ маъмулан аз чунин иттиҳомот истифода мекунанд.
