Сарвазири Ироқ Нурӣ Моликӣ аз ширкатҳои тиҷории Амрико даъват кард, то ба хотири кумак ба эъмори муҷаддади ин кишвар ба Ироқ биоянд. Моликӣ, ки бо сафаре дар Вошингтон ба сар мебарад, дар мулоқот бо тоҷирони амрикоӣ дар Утоқи тиҷорати Амрико гуфт, ба бовари Бағдод, ширкатҳои Амрико метавонанд Ироқро аз чанги вобастагии шадид аз фурӯши нафт бираҳонанд. Моликӣ дар Вошингтон бо мудири Сандуқи байналмилалии пул низ мулоқот дошт. Кристин Лагард гуфт, тарҳи 100 миллион доллар кумак ба будҷаи соли ояндаи Ироқро тасвиб кардааст.
