Бино ба хабарҳо, раиси парлумони Эрон Алии Лориҷонӣ баъд аз дидори Қирғизистон бо як сафари дурӯза вориди Тоҷикистон шуда, алакай бо ҳамтои тоҷикаш Шукурҷон Зуҳуров мулоқот кардааст. Рӯзи ҷумъа мулоқотҳои Лориҷонӣ бо раисиҷумҳури Тоҷикистон Эмомалӣ Раҳмон ва вазири хориҷа Ҳамроҳхон Зарифӣ дар назар гирифта шудааст. Ӯ ҳамчунин аз донишгоҳҳои миллӣ ва тиббӣ, Фарҳангистони улум ва ду осорхона дар пойтахти Тоҷикистон дидан хоҳад кард.
Оғози боздиди Алии Лориҷонӣ аз Тоҷикистон
