Дар Эрон имрӯз ду нафарро бо гуноҳи қочоқи маводи мухаддир як тани дигарро бо гуноҳи таҷовузи ҷинсӣ ба дор овехтаанд. Ба гузориши хабаргузории ИСНА, ду мардеро, ки аъзои аслии як ҳалқаи қочоқбари маводи мухаддир будаанд, дар зиндони шаҳри Сорӣ воқеъ дар ғарби Эрон ба дор кашиданд. Ба гузориши телевизиони давлатии Эрон як ҷавони 25-солаи дигарро дар шаҳри Марвдашт низ ба ҳамин усул қатл карданд, ки ӯ ба одамрабоӣ ва таҷовузи ҷинсӣ гунаҳкор дониста шуд. Сар аз соли равон то кунун дар Эрон ҳукми қатли 226 нафар иҷро шудааст.
