Пайвандҳои дастрасӣ

Хабари нав

Шарҳи ҳоли Ҷумъаи Толиб, сардабири "Пайкон"


Ҷумъаи Толиб 25-уми январи соли 1960 дар деҳаи Испағни ноҳияи Айнӣ таваллуд шудааст. Хатмкардаи факултаи журналистикаи Донишгоҳи миллии Тоҷикистон дар соли 1979 аст.

Солҳои 1984 то 1994 дар нашрияи «Меҳнат»-и ноҳияи Айнӣ ба ҳайси мусаҳҳеҳ, мухбир ва мудири шӯъба кор кардааст. Сипас, як сол сармуҳаррири газетаи «Нури ҳақ»-и ноҳияи Айнӣ буд. Солҳои 1995 - 1998 раиси хоҷагии деҳқонии «Авсанъан» ва аз соли 1998 то 2004 мудири шӯъбаи ҳуқуқи ҳукумати ноҳияи Айнӣ буд.

Дар натиҷаи нашри мақолаҳои интиқодӣ дар бораи мақомоти қудратӣ 8 моҳ зиндонӣ шуд. Пас аз он боз ба рӯзноманигорӣ баргашт. Солҳои 2007-2008 Оҷонсии иттилоотии «Зарафшон-таймс»-ро ташкил кард ва аз соли 2008 директори Бюрои маслиҳатдиҳӣ, сухансанҷӣ ва таҳқиқоти журналистӣ, ҳамзамон, аз моҳи марти соли 2009 сармуҳаррири ҳафтаномаи ҷамъиятиву сиёсии «Пайкон» аст. Оиладор, соҳиби 6 фарзанд.
XS
SM
MD
LG