Додгоҳи Олии Туркманистон 10 корманди Бонки Марказии ин кишварро барои ришваситонӣ 15 солӣ маҳкум ба зиндон кардааст. Ҳукми онҳо имрӯз тавассути телевизиони давлатӣ пахш шуд. Рӯзномаи «Нейтральный Туркменистан» дар шумораи имрӯзи худ навиштааст, бонкдорон барои он муттаҳам шудаанд, ки 4,8 миллион доллар аз қарордодҳои сохтмонӣ барои “хидматашон” ришва гирифтаанд, то пулҳоро барои сохтмон ба ширкатҳо интиқол диҳанд.
