Пайвандҳои дастрасӣ

Шӯрои уламои Маркази исломии Тоҷикистон мегӯяд, оғози дақиқи моҳи мубораки Рамазон дар авохири моҳи июл маълум хоҳад шуд.

Ба гуфтаи Саидмукаррам Абдулқодирзода, раиси Шӯрои уламои Маркази исломии Тоҷикистон, бинобар ҳисобшумориҳои аввалия, интизор меравад, ки оғози Рамазони имсола мусодиф ба рӯзи 31-уми июл ва ё 1-уми август хоҳад буд.

Ба гуфтаи ҷаноби Абдуқодирзода дар ин самт бо Пажӯҳишгоҳи астрофизикаи Фарҳангистони улуми Тоҷикистон ҳамкорӣ сурат хоҳад гирифт.

Рамазон аз ҷумлаи моҳҳои солшумории ҳиҷрии қамарист ва дар тақвими исломӣ пас аз моҳи шаъбон ва пеш аз моҳи шаввол меояд.

Дар ин моҳ мусулмонон ба ҷуз доштани рӯза, ба ибодат ва қироати Қуръон низ машғул шуда, қалби худро аз кина пок месозанд ва аз корҳои ғайришаръӣ даст мекашанд.

Кӯмак ва хайру эҳсон ба камбизоатон ва мӯҳтоҷон низ яке аз рукнҳои муҳими ин моҳ будааст.

Аммо имсол моҳи шарифи Рамазон дар ҳоле фаро хоҳад расид, ки аксари сокинон аз дамои ҳаво дар изтиробанд ва мегӯянд, рӯза гирифтан барояшон чандон саҳл нахоҳад буд.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

XS
SM
MD
LG