Хонум Мишел Бахманн-узви Конгресси Амрико ва собиқ узви Ҳизби Ҷумҳурихоҳи ин кишвар имрӯз омодагиашро барои пешбарӣ кардани номзадиаш ба мақоми раёсати ҷумҳурӣ дар интихоботи соли 2012 оғоз кард. Хонум Бахманн 55 сола аст ва маъракаи интихоботиашро дар зодгоҳаш шаҳраки Вотерлу дар аёлати Айова шуруъ кард. Вай яке аз муҳофизакорони шадиди ҷунбиши Маҳфили Чой мебошад. Маҳфили Чой талош дорад худро рақиби арзандаи Митт Ромни-номзади Ҳизби Ҷумҳурихоҳ муаррефӣ кунад.
