Интизор меравад, ки ҳафтаи оянда яке аз кумитаҳои аслии Конгресси Амрико гузориши дуввум роҷеъ ба тундгароии исломӣ дар Амрикоро бишнавад. Петер Кинг-раиси Кумитаи Амнияти Дохилии Маҷлиси Намояндагон аз Ҳизби Ҷумҳурихоҳ, ки дар моҳи март гузориши аввалаш барои зиёдаравӣ дар иҷлосия ғазаб барангехта буд, гуфтааст, ки ҳафтаи оянда, 15-ӯми июн гузориши дуввумии худро роҷеъ ба ин мавзӯъ пешниҳод мекунад. Кинг гуфтааст, масҷидҳо ва имомхатибон барои пешгирӣ аз тундгароии исломӣ камтар кор мекунанд ва ҳамкориашон бо ниҳодҳои ҳифзи қонун заиф аст.
