Қарор аст, имрӯз Барак Обама, раиси ҷумҳури Амрико, дар як нутқи муҳиме сиёсати кишвараш дар Ховари Миёнаро шарҳ диҳад. Ӯ дар ин суханронӣ ба қиёмҳои мардумие таммаркуз хоҳад кард, ки кишварҳои арабиро фаро гирифтааст. Барак Обама, аввали ин ҳафта гуфт, тағйири вазъ дар минтақа аз ҷумла бо барканории раҳбарони Тунис ва Миср, “Исроилу Фаластиниёнро водор мекунад, ки роҳро барои бозгашт ба музокироти сулҳ пайдо кунанд. Раиси ҷумҳури Амрико зоҳиран давлати Сурияро барои саркӯбии бераҳмонаи тазоҳургарон башиддат интиқод хоҳад кард.