Пайвандҳои дастрасӣ

Хабари нав

Зиндагиномаи Эшони Дароз


Фатҳулло Хайриддинов-мулаққаб ба "эшони Дароз", аз собиқ фармондеҳони ИНОТ дар моҳи феврали соли ҷорӣ ва пеш аз анҷоми мӯҳлати ҷазо, шартан озод шудааст. Эшони Дароз дар солҳои ҷанги шаҳрвандии 1992-1997-и Тоҷикистон яке аз фармондеҳони нерӯҳои мусаллаҳи оппозисиюни тоҷик дар навоҳии навоҳии Нуробод ва Ваҳдат буд. Дар ин солҳо ӯ ба қумандони дигари оппозисиюни тоҷик мулло Абдулло (Абдулло Раҳимов) итоат мекард. Эшони Дароз баъди имзои Созишномаи сулҳ ва ризоияти миллӣ дар соли 1997, яке аз аввалин фармондеҳони мухолифини тоҷик буд, ки якҷо бо размандагонаш бо нерӯҳои ҳукуматӣ ҳамоиш кард. Ӯ тибқи саҳмияи сидарсадӣ, ибтидо дар вазорати мудофиа ва сипас дар вазорати умури дохила хидмат карда соҳиби рутбаи низомии подполковник низ мешавад. Эшони Дароз дар тобистони соли 2007 аз тарафи маъмурони пулис бо иттиҳоми ширкат дар қочоқи маводи мухаддир дастгир ва дар соли 2008 аз сӯи Додгоҳи Олии Тоҷикистон барои даст доштан дар қочоқи маводди мухаддир, чандҳамсарӣ ва сӯиистифода аз мақоми давлатӣ барои нӯҳ сол равонаи зиндон мешавад. Соҳиби шаш фарзанд аст. Падари ӯ эшони Хайриддин тӯли чандин сол раиси Ҳизби наҳзати исломии Тоҷикистон дар ноҳияи Ваҳдат будааст.
XS
SM
MD
LG