Пайвандҳои дастрасӣ

Хабари нав

Дар Ироқ баҳс бар сари ташкили ҳукумат идома дорад


Як мақоми расмии Ироқ мегӯяд, баъзе аз ҷиноҳҳои сиёсии эътилофи Иёд Аллавӣ, нахуствазири собиқ гунаҳкори то кунун ташкил наёфтани ҳукумат ҳастанд. Бо гузашти 7 моҳ аз интихоботи порлумонӣ дар Ироқ, аҳзоби сиёсӣ натавонистаанд, ҳукуматро таъсис диҳанд. Алӣ Ал-Даббоғ, сухангӯи ҳукумати Ироқ ба бахши ироқии Радиои Озодӣ гуфт, баъзе аз ҷиноҳҳои сарсахти эътилофи сиёсии Иёд Аллавӣ то кунун саъй кардаанд, “то музокирот дар мавриди таъсиси ҳукуматро баҳам бизананд ва ё монеъи натиҷаи босамари музокирот шаванд.” Ба гуфтаи Алӣ Ал-Даббоғ ин гурӯҳҳои сиёсӣ барои тақвияти мавқеъи худ қудратҳои минтақавӣ такя карда, онҳоро бозигарони минтақаро ба саҳнаи Ироқ мекашанд, ки иштибоҳи стротегист. Дар интихоботи порлумонии рӯзит 7 март дар Ироқ, ҳизби Нурӣ Ал-Моликӣ, нахуствазири феълӣ раъйи кофӣ барои ташкили ҳукуматро ба даст наовард ва рақиби ӯ ҳизби Иёд Аллавӣ ҳам бо вуҷуди гирифтани орои зиёд, курсии кофӣ барои таъсиси ҳукуматро надорад.
XS
SM
MD
LG