Узбакистон бо таъкид ба қарзи зиёда аз 1 миллиион доллар интиқоли газ ба Тоҷикистонро 35 дарсад коҳиш дод. Ширкати давлатии "Тоҷиктрансгаз" иқрор кардааст, ки Тоҷикистон аз Узбакистон барои газ 1 миллиону 600 ҳазор доллар қарздор аст ва 1 миллиони онро корхонаи зарфои шишаи "Лаъл" ба бор овардааст. Тоҷикистон 98 дарсади гази зарурияшро аз Узбакистон харидорӣ мекунад ва талаботи солонаи он ба газ наздик ба 2 миллиард метри мукааб мебошад.
