1991

9 cентябр – Тоҷикистон худро кишвари мустақил эълон кард.
24 ноябр – Дар интихоботи президентӣ Раҳмон Набиев бар рақибаш Давлат Худоназаров пирӯз омад.
25 декабр – Истеъфои Горбачёв ба фурӯпошии Иттиҳоди Шӯравӣ мунҷар шуд.

1992

2 март – Тоҷикистон ба СММ пазируфта шуд.
Март - май – тазоҳуроти шабонарӯзӣ дар майдонҳои “Шаҳидон” ва сипас “Озодӣ”-и шаҳри Душанбе. Оғози даргириҳои хунин.
Май - ноябр – таъсис ва барканории Ҳукумати муросои миллӣ.
16 -21 ноябр – иҷлосияи шонздаҳуми Шӯрои Олӣ дар шаҳри Хуҷанд, истеъфои президент Набиев ва таъсиси раҳбарияти нав.
Декабр – фирори чандсад ҳазор нафар ба Афғонистон ва кишварҳои ИДМ.

1993

Январ –декабр – Ҷангҳо дар шарқи кишвар. Боздошт ва қатлҳои бемаҳкамаи мухолифон, зодагони Рашт ва Бадахшон.
30 март – Куштори фармондеҳои нерӯҳои тарафдори ҳукумати нав Сангак Сафаров ва Файзалӣ Саидов.
25 май – Имзои созишномаи дӯстӣ, ҳамкорӣ ва кӯмаки мутақобилаи Тоҷикистон ва Русия.
20 июн – манъи фаъолияти аҳзоб ва нашрияҳои мухолиф аз тарафи Додгоҳи Олии Тоҷикистон.
13 июл – ҳамлаи хунини муҷоҳидони тоҷик ба посгоҳи 12 марзбонони рус дар марзи Тоҷикистону Афғонистон.

1994

5 апрел – Оғози гуфтушуниди сулҳи тоҷикон.
6 ноябр – Интихоботи президентии Тоҷикистон. Пирӯзии Эмомалӣ Раҳмонов ва мағлубияти Абдумалик Абдуллоҷонов.

1995

Феврал – Интихоботи порлумонии Тоҷикистон.
10 май – Оғози гардиши “рубл”-и тоҷикӣ.
Май – ноябр – Идомаи гуфтушуниди сулҳи тоҷикон.

1996

Январ – феврал – Ошӯби сарҳанг Маҳмуд Худойбердиев.
Май – тазоҳуроти норозиён дар Ӯротеппа ва Хуҷанд.
17 декабр – Гуфтушуниди сарнавиштсози президент Раҳмонов ва раҳбари мухолифон Нурӣ дар Хосдеҳи Афғонистон.

1997

30 апрел – Сӯиқасд ба ҷони президент Раҳмонов дар Хуҷанд.
27 июн – Имзои созишномаи истиқрори сулҳ ва ризоияти миллӣ.
Июн – ҳамлаи сарҳанг Маҳмуд Худойбердиев ба Душанбе.

1998

4 ноябр – ҳамлаи сарҳанг Маҳмуд Худойбердиев ба Хуҷанд.

1999

Январ – апрел – таъйини намояндагони ИНОТ ба мақомҳои давлатӣ.
26 сентябр – назархоҳии умумии тағйиру ислоҳи Қонуни асосии Тоҷикистон.
6 ноябр – интихоботи президентии Тоҷикистон, худдории узви раёсати ИНОТ Давлати Усмон аз ширкат дар он ва пирӯзии Эмомалӣ Раҳмонов.

2000

27 феврал -- Интихоботи порлумонии Тоҷикистон.
30 октябр – оғози гардиш пули миллии “сомонӣ” ва “дирам”.
Июн --  бӯҳрони Дарбанд, марбут ба исми фармондеҳ Мулло Абдулло.

2001

Январ – СММ гуфт, 84 дарсади аҳолии Тоҷикистон зери хатти фақр қарор доранд.
19 феврал – даргирии нерӯҳои ҳукуматӣ ва ҷангиёни собиқи оппозитсиюн дар Кофарниҳон.
Июл – оғози ҳалокати шаҳрвандони Тоҷикистон дар минаҳои марзии Узбакистон.
2 - 10 август – амалиёти нерӯҳои ҳукумат зидди гурӯҳҳои Раҳмон Сангинов ва Мансур Муаккалов.
6 август Додгоҳи Олии Тоҷикистон фаъолияти ҳизби оппозитсиюнии Адолатхоҳро манъ кард.
22 сентябр – изҳори омодагии Тоҷикистон ба узвият дар эътилофи зиддитеррористии Иёлоти Муттҳаида.
4 декабр – Ифтитоҳи намоянадагии Иттиҳоди Аврупо дар Душанбе.

2002

Январ – мустақар шудани низомиёни Фаронса дар Тоҷикистон.
Май – поёни кори Дафтари сулҳи СММ
Тобистон – шурӯи дубораи сохтмони нерӯгоҳи барқи обии Роғун.
Қарзи хориҷии Тоҷикистон аз марзи 1 миллиард доллар гузашт.

2003

22 июн – назархоҳии умумии тағйиру ислоҳи Қонуни асосии Тоҷикистон. Тағйири мӯҳлати президентӣ ба ду давраи ҳафтсола.

2004

16 октябр – сафари муҳими президенти Русия, Владимир Путин ба Тоҷикистон, ифтитоҳи пойгоҳи Русия, тақдими маркази дидбонии кайҳонии “Окно” ба Русия дар ивази қарзи Тоҷикистон. Ваъдаи сармоягузории 2 миллиард доллари Русия ба иқтисоди Тоҷикистон.

2005

27 феврал -- Интихоботи порлумонии Тоҷикистон.
25 апрел – маҳкумияти Ёқуб Салимов, вазири собиқи умури дохилии Тоҷикистон ба 15 соли ҳабс.
7 октябр -- Ҳукми ҳабси 23-солаи раҳбари Ҳизби демократи Тоҷикистон Муҳаммадрӯзӣ Искандаров
28 август – аввалин мушкили гузари вагонҳои Тоҷикистон аз ҳудуди Узбакистон.
27 декабр – тасвиби созишномаи Тоҷикистон ва Русия дар масъалаи муҳоҷирон.
Июл-декабр – хуруҷи марзбонони Русия аз Тоҷикистон.

2006

Январ – нахустин баҳси ширкати “РусАЛ” ва ҳукумати Тоҷикистон дар мавриди сарбанди нерӯгоҳи Роғун.
4 ноябр – дафъатан хунсо шудани талоши демократҳои тоҷик ба тазоҳурот аз тарафи полис.
6 ноябр – интихоботи президентии Тоҷикистон бо ширкати Эмомалӣ Раҳмон ва номзадҳои ҳамбозаш -- Олимҷон Бобоев, Абдулҳалим Ғаффоров, Амир Қароқулов ва Исмоил Талбаков.

2007

10 январ – оғози сохтмони нерӯгоҳи “Сангтӯда-2”.
28 март -- Манъи "Занги oхир"-у "Иди Алифбо" ва пасванди русӣ дар насабҳо.
Июн – оғози талошҳои Тоҷикистон ба узвият дар Созмони Ҷаҳонии Тиҷорат.
Декабр – сардтарин зимистони Тоҷикистон дар ҳоли бебарқӣ ва бегазӣ.

2008

Январ-март – сардтарин зимистони Тоҷикистон дар ҳоли бебарқӣ ва бегазӣ. Ҳалокати чандин тан аз навзодон ва солмандон.
Январ – оғози кори нерӯгоҳи барқи обии “Сангтӯда-1” бо талошҳои Русия.
Май – Боздошти Сӯҳроб Лангариев, бародари фармондеҳи собиқи Фронти халқӣ Лангарӣ Лангариев, пас аз як амалиёти ҳарбӣ дар шаҳри Кӯлоб.
Январ-сентябр – ҳалокати 600 ва ихроҷи 15 000 мардикори тоҷик аз Русия. Бурида шудани сари муҳоҷир Салоҳиддин Азизов.
Март – иттиҳоми корбурди ғалати 47 миллион доллар аз тарафи Сандуқи Байнулмилалии Пул ва талаби бозгардони маблағ.
Апрел – поёни баҳси Талко бо коршарикони собиқаш дар додгоҳи Лондон бо пардохти 140 миллион доллар.

2009

17 июн – даргузашт, ба иттилои расмӣ, худкушии вазири пешини умури дохолӣ Муҳаммадназар Солиев.
11 июл -- қатли мармузи Мирзо Зиёев, вазири пешини умури изтирории Тоҷикистон ва фармондеҳи пешини нерӯҳои мухолиф.

2010

28 феврал -- Интихоботи порлумонии Тоҷикистон.
1 апрел – Зуҳури аввалин роҳи пулакӣ ва ширкати соҳибимтиёзи  IRS дар Тоҷикистон.
22-23 август – фиирори 25 маҳбус аз боздоштгоҳи муваққати Кумитаи давлатии амнияти миллии Тоҷикистон.
3 сентябр – нахустин таркиши худкушона дар назди идораи полис дар шаҳри Хуҷанд.
19 сентябр – амалиёти ҳарбӣ дар Камароб, ҳалокати даҳҳо сарбоз ва маъмурони амниятӣ.

2011

Январ – куштори Аловуддин Давлатов (Алии Бедакӣ) дар Рашт.
Апрел – торумори дастаи Мулло Абдулло ва қатли ӯ дар ноҳияи Нуробод.
30 август – истиқрори баландтарин милаи парчам дар ҷаҳон (165 метр) дар шаҳри Душанбе.