Саволи Шумо ба Ҳоҷӣ Акбар Тӯраҷонзода

Ба номи Худованди Бахшандаву Мехрубон ва дуруд ба Паёмбари бузургворамон! Бо салому эхтиром ба хамаи шунавандагони мухтарами родиёи «Озоди» ва хусусан ба бародарон ва хохароне, ки вакти худро дарег надошта ба мо саволхои худро фиристоданд. Дар панохи Худо солиму хурсанд бошед.


Чавоб № 1: Аз соли 2005 то имруз бо фармони Президенти мухтарами кишвар узви катории Мачлиси Миллии ЧТ мебошам. Номзадии худро дар интихоботи Мачлиси Намояндагони 2010 пешбари накардаам.

Чавоби №2: Бародар Акбарали Курбонов, бадбахтихои Точикистон дар солхои чанги шахрванди чандин сабабхо доранд ва дар ин бора маколаву китобхои зиёде бо дидгоххои гуногун нашр шудааст. Ин сухбат имкони фаро гирифтани хамаи ин чавонибхоро надорад. Аммо агар мухтасар гуем, ман бовар дорам, ки ин чанг аз берун аз тарафи кишвархои муайяне тахрези шуда, болои миллати мо тахмил шуд. Ба хотири саркуб кардани ормонхои милли ва исломии ин миллат. Албатта, хукумати номенклатураи коммунисти аз баргузории интихоботи нави парлумони дар тирамохи соли 1999 дар харос афтода буд, бо сиёх ва тухмат кардани харакати миллию исломии Точикистон дар назди доирахои муайяни кишвархои Руссия ва Узбакистон аз онхо пуштибонии моддию низоми гирифта чангро дар Точикистон шуруъ кард. Ба фикри манн, сабаби асосиаш хамин ду омил аст.

Чавоби №3: Бародар Шодруз! Ба як кисмати саволи Шумо болотар чавоб додам. Хуни Муродуллохи шахидро на чонибдорони мо, балки силохбадастони «Горди милли», ки гайри конуни аз афроди дар майдони «Озоди» чамъшуда дар худуди 400 нафар ташкил карда буданд, дар дохили бинои Мачлиси Оли рехтанд. Дар он шабу руз ягон нафар чонибдорони мо наметавонистанд ба Шурои Оли, ки дар назди майдони «Озоди» буд, наздик шаванд. Бинобар ин, хеч имкон надошт, ки чонибдорони мо ин чинояти мудхишро анчом диханд. Хусусан, худорахматии Муродулло бо мо хеч душмание надошт. Ман хам мисли Шумо ба котилони Муродулло лаънати Худо бод мегуям!

Савол додед, ки чаро чонибдоронамон сохибсилох шуданд… Бародари азиз, ман ба касе ичозат надодаам ва касе аз ман ичозат напурсидааст. Вакто ки чанг дар вилояти Кургонтеппа тобистони соли 1992 бо сардории Лангариев ва дигархо шуруъ шуд, мардум мачбур шуданд барои дифоъ аз худ силох пайдо кунанд. Баъзехо аз кисмхои харбии Русия хариданд, баъзеи дигар шояд аз Афгонистон харида оварданд, зеро он солхо убури марзхо хеле осон буд. Ба хар холл, чанги чонибдорони мо чанги дифо аз чону молу номусашон буд. Чонибдорони мо на ба Турсунзодаву Хисор ва на ба Кулобу ва ё чои дигар хучум накарда буданд. Онхо буданд, ки болои мо хучум карданд, насибашон рафтагихо бо азобхои дахшатнок шахид шуданд, як кисмати зиндахо мачбур шуданд, ки ба Афгонистону Туркманистон ва Казокистону Русия хичрат кунанд. Ба хотири он, ки фочиаи солхои 20-уми асри 20 такрор нашавад, то ки як умр беватан дар хорич намонем, мо мачбур шудем, ки силох ба даст гирем ва мубориза барем. Ва муборизаи мо барои кудрат набуд. Мутаасифона, дар ин дунё касе, ки нерӯ надошта бошад, агар сад фоиз хак хам бошад, бо у сухбат намекунанд. Агар ба хотир дошта бошед, то аввали соли 1994 касе бо мо хохиши сухбат кардан надошт. Факат баъд аз он, ки кишвархои зиёде миёнарав шуданд ва хукумат хам каноат пайдо кард, ки бо рохи зури масъала халли худро намеёбад, рози шуд, ки ба музокирот шинад. Худоро шукр, баъди чор соли музокирот ва мутаассифона, баъди курбонихои зиёд муваффак шудем, ки созишномаи сулхро имзо намоем. Ба хар хол, Худоро хазор бор шукр мегуем, ки чанги точикон мисли кишвархои дигар 20 солу 30 сол давом накард.

Хамчуноне, ки Фронти халки ва хукуматро Русияву Узбакистон бо силоху мухиммот таъмин мекарданд, табиист, ки моро низ баъзе кишвархои исломи ва созмонхои исломи кумак мекарданд.

Кисми саввуми саволи Шумо низ маро то имруз азоб медихад. Шояд содагии халки моро истифода бурданд, шояд вобаставу мухточи онхо будем…

Кисми чоруми саволи Шумо дар бораи мучохидони арабу афгон дар сафи нерухои опозитсион. Бародари гироми! Дар чониби хукумат тибки маълумотхое, ки баъдан ошкор шуд илова ба пуштибонии бевоситаи дивизияи 201 Русия ва хавопаймохои чангию танкхои Узбекистон 460 нафар афисерхои разведкаи харбии Росия хануз тобистони соли 1992 дар вилояти Кулобу Кургонтеппа ба фронти халки хамсангар буданд. Яъне, аз ин тараф хазорхо нафар намояндахои Русияву Узбекистон дар чанг бар зидди мо иштирок карданд. Мутаассифона, касе инро то имруз махкум намекунад, вале як чанд нафар бародархои араб, ки факат дар хучуми дидбонгохи марзии №12-и Русия якчо бо мучохидони мо иштирок доштанд, то имруз ин амалро ба мо таън мезананд. Ба хотирам хаст, дар музокироти Покистон Раиси хайати хукумат чаноби Достиев иштироки бародарони арабро бар мо таъна зада буд. Ман дар чавоб гуфтам, ки чаро Шумо иштироки афисерхои рус ва хавопаймохои Узбекистон, ки минтакахои моро бомбаборон намуда ва садхо точикро бегунох ба шаходат расониданд, конуни мехисобеду аммо иштироки чанд бародари арабро, ки факат дар соли 1993 бо мо хамкори карда буданд, таъна мезанед. Магар русхову узбекхо бо Шумо амакбача буданд, ки хаки кумак кардани Шуморо дошта будаанду…. ?!

Бародари азиз! Аз ин чанги бародаркуши мо безор хастем, хамеша дуо мекунам, ки дигар ин миллати мо гирифтори чунин фочиа нагардад ва барои ин хар чи аз дастам ояд анчом медихам. Локин, бисёр хуб мешуд, ки ходисахои чанги шахрванди бисёр мунсифона бо иштироки шохидхои ду тараф бо истифодаи далелхову хуччатхо аз сар навишта шавад. Зеро то имруз, агарчи хамаги 18 сол пеш ин вокеахо шуруъ шуданд, шохидхои зиёде зиндаву хаёт хастанд аз сабаби таблиготи яктарафаи матбуот, хусусан, телевизион кисмати зиёди мардум опозитсионро гунахкори чанги шахрванди медонанд. Умедворам рузе хакикат ошкор мешавад.

Чавоби № 4: Дах мох баъд аз имзои созишномаи сулх бо исрори дустону бародарон дар хукумат ба хайси муовини аввали Сарвазир хафт сол хидмат кардам, аз феврали 1998 то марти 2005. Аз мохи марти 2005 то имруз узви Мачлиси Милли хастам. Хамчуноне, ки маълум аст, аз сиёсат даст накашидаам. То имруз ман хамеша андешахои худро ба хайси нома ба рахбари кишвар ё хамчун макола ё ба хайси китоб нашр намуда пешкаши мардум мегардонам. Аммо дар оянда вокеан дар чунин шароит рагбати сохиб шудан ба ягон мансаби давлатиро надорам. Ман хамеша дар хидмати мардум будам ва имруз хам ба кадри имкони худ дар хидмати мардум мебошам.

Чавоби № 5: Бародар Дилшод! аз нигохи мо рахматии Сафарали Кенчаев нохак буд. Зеро бо сардории он кас Фронти халки ташкил шуд ва бо хукумати Узбакистон алока баркарор карда, ёрдами низомии Узбекистонро дарёфт намуданд ва хазорон нафарро мусаллах намуданд. Аммо уро ки кушт? Ин масъаларо идорахои тафтишоти медонанд. Ман иттилои комил надорам.

Чавоби № 6: Бародари гироми! Ман аслан мухолифи он хастам, ки касеро барои акидааш, афкораш, чахонбиниаш, андешааш зиндони кунанд. Ва ба бародароне, ки бо чурми салафия зиндони шудаанд, афсус мехурам. Ман хатто гумон намекардам, ки Мулло Сирочиддин аз чумлаи салафихо хаст. Агарчи бо пайравони салафихо бахсхои зиёде доштем ва бо каноати шахсиям, кисми зиёди онхо аз доираи одоби исломи берун муомила мекарданд ва нисбат ба мазхабу пайравони мазхаби ханафи беэхтироми мекарданд ва нисбат ба шахсиятхои маъруфу машхури исломии кишвар бехурматию густохи мекарданд ва нисбат ба чашни мавлуду дуои баъди намоз ва гайра мухолифат доштанд, бо вучуди ин, ман мехостам, ки бо онхо аз тарики сухбат, муколама, нишастхои тулони кор гирифта шавад. Сабаби асосии нашри маколахои ман бар зидди онхо ба он хотир буд, ки баъзе вазоратхои кудратии кишвар эълон доштанд, ки салафихо ба амнияти кишвар ва вахдати миллат хатаре надоранд. Аз ин баёнихо ман каноат пайдо кардам, ки баъзе идорахои давлати аз ин доираи салафихо пуштибони ва рохнамои мекунанд. Аз ин ру, дар маколахои худ аз масъулин хохиш карда будам, ки пуштибонии онхо ва чанг андохтани онхо бар зидди уламохои машхури кишвар боиси чудои байни чомеа мешавад. Ман хатарро дар инчо медидам. Аз ин хотир садо баланд кардам. Агар баъзе мансабдорони кишварамон онхоро пуштибонию хаво намедоданд, онхо ин хел густохихоро намекарданд. Онхо дилпур буданд, ки доирахои муайян пуштибонашон хаст ва хамеша кумакашон мекунад. Аз ин хотир эшонхо ва уламохои машхури кишварро масхараву тахкир мекарданд ва пайравии мазхабро низ тахкир мекарданд. Ба хар хол аз худашон гузашт. Бо вучуди ин, ман намехохам, ки онхо зиндони бошанд.

Чавоб № 7: Бародар Анвар! Бале, хукумати имрузаи Эмомали Рахмон аз хукумати Набиев бехтар аст. Маколахои зиёди танкидии ман чоп шудааст, шояд Шумо аз онхо хабар надоред.

Чавоб № 8: Бародари гироми Нурулло. Бо ташаккур аз дуохои некатон! Бале, банда ва рохбарони ХНИТ бар зидди карори вазорати маориф дар бораи хичоб мурочиати муштарак ба Президенти мамлакат навиштем ва хамчунин, маколахои зиёде дар ин бора дар хафтаномахо ба чоп расонидем, инчунин аз тарики родиёи «Озоди» ва «Би-Би-Си» низ баёнияхои худро эълон намудем.

Чавоб № 10: Бародари азиз Нуруллох! Аз он, ки имруз байни домуллохои Точикистон вахдат нест, ман низ ранч мебарам. Чанд сабабхое вучуд дорад, ки намегузорад ин вахдат эчод шавад. Ба фикри манн, барои эчоди вахдати уламо бояд як шурои уламои вокеъи ва раиси он аз чониби тамоми уламои машхури Точикистон бедахолати мансабдорони хукумати интихоб шавад. Факат ин шурои уламо метавонад дар оянда мавриди кабул ва эхтироми хама карор гирифта, тамоми уламои кишварро муттахид намояд. Дар гайри ин сурат эчоди вахдат байни уламо бисёр кори душвор аст. Саломат бошед!

Чавоб № 9: Бародар Абдулло аз Кулоб! Ман аз устод Саид Абдулллохи Нури рахматуллох алайх чунин суханеро нашунидаам. Аз ин ру, чизе гуфта наметавонам.

Кисмати дигари саволатон, ки оё маро низ захролуд карда буданд?… Худо медонад. Ба хар хол аз соли 2003 инчониб саломатиам хуб нест. Хотироти худро навиштаам, албатта баъдтар вакташ рассад, Худо хохад, чопаш мекунем. Як кисмати хотироти худро дар китоби «Миёни обу оташ…» январи соли 1998 дар Техрон бо хатти крилли аз чоп баровардам.