Саволи Шумо ба вазири корҳои дохилӣ

Қабл аз ҳама мехоҳам ба маъмурияти радиои «Озодӣ» барои фароҳам овардани шароити мусоид ва пешниҳод намудани саволҳои шунавандагон миннатдории хешро иброз намоям.
Ҳамзамон зарур мешуморам, ки ба шунавандагони радиои «Озодӣ» низ арзи сипос намуда, ба саволҳои сершумори онҳо, ки дар сайти «Озодӣ» чоп шудаанд, посух диҳам.
Қобили қайд аст, ки аз ҷониби шумо дарк намудани фаъолияти мақомоти корҳои дохилӣ, мушкилиҳои ҷойдоштаи мақомот эҳсос карда мешавад, ва таваҷҷуҳе, ки шумо ба фаъолияти мақомоти корҳои дохилӣ зоҳир менамоед аз гуфтаҳои боло шаҳодат медиҳад.
Мехоҳам шуморо бовар кунонам, ки дар асоси саволу дархостҳо, пешниҳодҳои шумо мо ба нақшаҳои ҷории фаъолият доир ба камбудиҳои ҷойдошта тағйиру иловаҳо ворид намуда, тадбиқи онро дар амал ба роҳ мемонем ва самтҳои асосии мақомотро такмил хоҳем дод.
Ин нахустин мусоҳибаи ман бо шунавандагони радио нест. ВКД ҳамеша барои мусоҳиба ва ҳамсуҳбат шудан бо воситаҳои ахбори умум омода мебошад.
Бисёр ҷолиб аст, ки теъдоди зиёди шунавандагони радио фаъолияти мақомоти корҳои дохилиро аз корманди қаторӣ то роҳбарон мусбӣ арзёбӣ намудаанд. Ин бори дигар нақши муҳими мақомоти корҳои дохилиро дар ҷомеа нишон медиҳад.
Мусоҳибаи имрўзаи мо дар остонаи иди милитсияи тоҷик доир шуда истодааст. Бинобарин аз фурсати муносиб истифода намуда мехостам тамоми кормандон, собиқадорони милитсия ва оилаҳои онҳо, оилаҳои кормандонеро, ки ҳангоми иҷрои вазифа ҳалок гардидаанд, табрику таҳният намуда, ба онҳо тансиҳатӣ ва дар фаъолияти хизматиашон муваффақиятҳои беназир орзу намоям.

Пеш аз он, ки ба саволҳои шумо посух диҳам, мехоҳам қайд намоям, ки Вазорати корҳои дохилӣ фаъолияти оперативӣ-хизматии худро дар ҳамкорӣ бо дигар мақомотҳои ҳифзи ҳуқуқ ва сохторҳои қудратӣ тибқи дастуру супоришҳои Ҷаноби Олӣ, Президенти Ҷумҳурии Тоҷикистон, мўҳтарам Эмомалӣ Раҳмон мувофиқи талаботи қонунгузорӣ ба роҳ монда, як қатор чорабиниҳои ташкиливу амалиро иҷро намуд, ки ин имкон дод вазъи крименогении ҷумҳуриро мўътадил нигоҳ дорад.

Акнун иҷозат фармоед ба саволҳои сершумори Шумо посух диҳам.
---------------------------------------------------------------------------

Ҳолатҳое, ки Шумо дар саволи худ овардаед, ин худ ҷиноят буда, қонунгузор барои ин амалҳо мувофиқи Кодекси ҷиноии Ҷумҳурии Тоҷикистон ҷазо муқаррар намудааст.
Аз ин лиҳоз, ҳангоми ба Шумо маълум гардидани ҳолатҳои шиканҷа додан, таҳқир намудан, баромадан аз ҳадди ваколатҳои мансабӣ, сўистифода намудан аз ваколатҳои хизматӣ ва дигар ҳолатҳо аз ҷониби шахсони мансабдор, метавонед ба мақомоти корҳои дохилӣ ва прократура барои чораандешӣ муроҷиат намоед.
(Мутобиқи Кодекси ҷиноии ҶТ ҷавобгарии ҷиноӣ оиди аз ваколатҳои хизматӣ гузаштан моддаи 314 – Сўистифода аз ваколатҳои мансабӣ, моддаи 315 – Беамалӣ дар иҷрои вазифа, моддаи 316 – Баромадан аз ҳади ваколатҳои мансабӣ, моддаи 322 – Хунукназарӣ ҷавобгарии ҷиноӣ нисбати кормандони мақомоти ҳифзи ҳуқуқ пешбинӣ шудааст. Ягон корманди милитсия ҳуқуқи дар маҳкамаҳои муввақатӣ ва дигар ҷойхои боздошташудагон онҳоро лату куб, таҳқир ва шиканҷа карданро надоранд ва мувофиқи моддаҳои дар боло номбаршуда ба ҷавобгарии ҷиноӣ кашида мешаванд.)



Доир ба марги Солеҳов Изҳороти якҷояи Прокуратураи генералӣ ва ВКД расман дар расонаҳои хабарӣ интишор гардида буд ва дар нишасти матбуотие, ки рўзи 18 июни соли 2009 бо иштироки бевоситаи шоҳидони воқеъа ва доираи васеи хабарнигорон баргузор гардид, шарҳи аслии воқеъа баён гардида буд.
Аз рўи маводҳои парвандаи ҷиноӣ доир ба ин ҳодиса, ки аз ҷониби Прокуратураи генералӣ оғоз карда шудааст ва мувофиқи ташхисҳои тиббӣ, балластикӣ ва дигар намуди ташхисҳо далели худкушии Солеҳов тасдиқ карда шудааст.


Дар аввал мехоҳам зикр намоям, ки барои дар масъалаи зиёдшавии порахурӣ дар мақомоти корҳои дохилӣ сухан гуфтан, пеш аз ҳама далелу рақамҳо лозим ҳастанд, ки мутаасифона он аз ҷониби шумо асоснок карда нашудааст.
Дар алоқамандӣ бо ин, бештари далелҳои вобаста ба ришваситонии кормандони мақомот аз ҷониби хадамоти махсуси Вазорат муайян карда шудааст. Яъне роҳбарияти Вазорат худ дар кўшиши он аст, ки чунин ҳолатҳои номатлуб аз байн бурда шуда, сафҳои мақомот аз шахсони тасодуфӣ тоза карда шаванд.
Зиёдшавии маоши кормандони ВКД пешбинӣ карда шудааст.


Ба истиснои ҳолатҳое, ки қонунгузор муқаррар намудааст, умуман кормандони милитсия ва дигар мақомотҳо баъд аз соати 22.00 ҳуқуқи ба манзили зисти шаҳрвандон даромандан надоранд. Ҳангоми думболгирӣ намудани ҷинояткор ва ба хона даромадани ў, кормандони милитсия бе назардошти вақту соат ҳуқуқи ба хона даромадан доранд ва ё дар ҳолатҳои фавқулодда.

Асосан ҷобаҷогузории кадрҳо дар макомоти корҳои дохили аз ҳисоби хатмкунандагони Академияи ВКД ва муассисаҳои махсуси таълимии дигар кишварҳо (давлатҳои ИДМ), ки барои мақомоти мо мутахасисиони соҳавиро тайёр менамоянд, роҳандозӣ шудааст.
Мувофиқи зарурият бо назардошти савияи дониш, тахассуси касбӣ хатмкунандагони дигар донишкадаҳои Ҷумҳурии Тоҷикистон низ ба мақомот қабул карда мешаванд ва муассисаи таълимии ишоракарда Шумо истисно нест.


Мувофиқи талаботи Қонуни Ҷумҳурии Тоҷикистон «Дар бораи милитсия» ба хизмат дар сафҳои мақомоти корҳои дохилӣ шаҳрвандони Ҷумҳурии Тоҷикистон, ки синнашон аз 20 кам ва аз 35 зиёд намебошад, сарфи назар аз ҷои истиқомат, ҷинс, миллат, нажод, забон, эътиқоди динӣ, мавқеи сиёсӣ, вазъи иҷтимоӣ, ки аз рўи сифатҳои шахсӣ, ахлоқӣ, кордонӣ, таҳсилот, тайёрии ҷисмонӣ ва вазъи саломатӣ аз ўҳдаи иҷрои вазифаҳои ба зиммаи милитсия вогузоршуда мебароянд, суд нашуда бошанд, баъди адои хизмати ҳарбӣ аз рўи даъват (ба истиснои курсантҳои муассисаҳои таълимии миёна ва олии Вазорати корҳои дохилӣ) дар асоси ихтиёрӣ, баъд аз гузаштани озмун қабул карда мешаванд.

Саволи шумо дуруст аст, ман ҳам тарафдори хизмати шартномавӣ ва артиши касбӣ ҳастам. Бо назардошти вазъи молиявию иқтисодии ҷумҳурӣ ҳалли ин масъаларо дар оянда мувофиқи мақсад мешуморем.

Дар мавриди фурӯши "права". Баробари ошкор кардан ё ошкор шудани ин далел ҳатман тибқи қонунгузориҳои ҷорӣ ба ҷавобгарии қатъии интизомӣ кашида мешаванд. Агар шумо далели мушаххас дошта бошед, муроҷиати Шуморо интизорем.

Таклифи Шумо қобили таваҷҷўҳ аст ва оянда дар робита бо дигар вазорату идораҳои дахлдор ин таклифот ба Ҳукумат пешниҳод карда хоҳад шуд. Айни ҳол қарори Ҳукумати Ҷумҳурии Тоикистон аз 14 январи соли 2010 № 6 «Оид ба ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон» қабул шудааст, ки тибқи талаботи он меъёри пардохт барои ҳаракат дар роҳ 65 нишондиҳанда барои ҳисобҳо муайян карда шудааст ва фоизи нургузаронии шишаҳо (сиёҳу хира кардани онҳо), ба истиснои истифодаи пардаҳои паҳлўӣ ва яклухти ақиб дар ихтиёри соҳиби иҷозатнома мебошад.

Бо қарори Суди Олии Ҷумҳурии Тоҷикистон аз 30 марти соли 2006 ҳизбу ташкилотҳое, ки ҳамчун ташкилоти террористию экстремистӣ эътироф шудаанд, фаъолияташон дар Ҷумҳурии Тоҷикистон расман манъ гардидааст, аз он ҷумла «Ҷамъияти таблиғ», ки сухан дар борааш меравад.
Мувофиқи талаботи Конститутсияи Ҷумҳурии Тоҷикистон дин аз давлат ҷудо мебошад. Ба фикр ман, барои ташвиқоти дини исломро бурдан маҳз ба «Ҷамъияти таблиғ» аъзо будан шарт нест. Зеро имрўз кули мусулмонони мо аз ҳуқуқҳои худ бархурдор буда, барои қонеъ намудани талаботи динию мазҳабиашон монеае мавҷуд нест.

Светопропускаемость тонированных стекол не регламентировано. Ограничения касаются только передного ветрового стекла, наверхней части, которой разрешено нанесение тонирования цветной пленкой шириной 200 мм. Кроме того нельзя наносить зеркальную и цветную тонировку.

Дар боло мо доир ба масъалаи талаботҳои тартиби қабул ба мақомоти корҳои дохилӣ, ки аз моддаи 19 Қонуни Ҷумҳурии Тоҷикистон «Дар бораи милитсия» бармеоянд, гуфта гузаштем. Бинобар ин ҳоҷат ба такроран зикр намудани онҳо нест. Танҳо ҳаминро илова менамоям, ки мувофиқи талаботи «Низомнома» қади довталаб барои хизмат ба мақомоти корҳои дохилӣ набояд камтар аз 1м.70 см. бошад.
Бо мақсади нигоҳ доштани ҳолати ҷисмонӣ ва омодагии ҳарбию касбии ҳайати шахсӣ мувофиқи санадҳои дохилиидоравӣ ҳар ҳафта 2 мартотиба дарсҳои тарбияи ҷисмонӣ ва дар 1 моҳ 1 маротиба дави умум дар масофаи то 10 километр вобаста ба сину сол гузаронида мешавад, ки аксарияти кормандони мақомоти корҳои дохилӣ аз ўҳдаи супоридани меъёрҳои муқарраргардидаи вазишӣ мебарояд.

Тибқи Кодекс «Дар бораи меҳнат»-и Ҷумҳурии Тоҷикистон ва санадҳои дохилиидоравии мақомот нўшидани машрубот дар либоси низомӣ ва ё бе он дар вақти хизматӣ манъ аст.
Баъд аз вақти хизматӣ низ дар либоси низомӣ нўшидани машруботро ман аз ҷиҳати меъёри ахлоқӣ ҷоиз намедонам.

Дар масъалаи ришваситонӣ бошад, мо дар боло ба саволҳои қаблӣ посух дода будем.
Ҳангоми манъ намудани воситаи нақлиёт кормандони БДА вазифадоранд, ки ба назди автомашина рафта, саломи низомӣ дода, худро шиносонанд ва ҳангоми шиносоӣ аниқ ва кўтоҳ вазифа, унвон ва насаби худро номбар кунанд. Баъди санҷиши ҳуҷатҳо ба таври расмӣ, меҳрубонона, кўтоҳ ва фаҳмо сабаб ва мақсади худро хабар диҳад.