Душанбе, Сентябр 01, 2014

Фарҳанг

Ҷашнвораи "Боми Ҷаҳон" дар Хоруғ

Имрӯз, ҷумъаи 5-уми июл дар Боғи фарҳангу истироҳати шаҳри Хоруғ ҷашнвораи байналмилалии мусиқӣ, ҳунар ва туризм зери номи "Боми Ҷаҳон" шурӯъ шуд.

Самандар Пӯлодов, аз масъулони баргузории ҷашнвораи "Боми Ҷаҳон" ба Радиои Озодӣ гуфт, "ин ҳамоиши фарҳангӣ ва ҳунарӣ ба ибтикори маркази фарҳангии "Бохтар", Бунёди Оғохон, Барномаи илмӣ, омӯзишӣ ва фарҳангии СММ ё ЮНЕСКО ва Донишгоҳи байналмилалии Осиёи Марказӣ доир мешавад."  
Ҷаноби Пӯлодов ҳадафи аслии баргузории ин ҷашнвораро тарғибу ташвиқи фарҳангу ҳунар унвон кард. Ба гуфтаи ҷаноби Пӯлодов дар ин ҷашнвора ҳунармадон аз Тоҷикистон, Афғонистон, Эрон, Покистон, Озарбойҷон ва Амрико ширкат доранд ва муддати се рӯз онҳо ҳунари худро барои сокинону меҳмонони шаҳри Хоруғ ба намоиш мегузоранд.

Ҳамчунин дар ин муддат беш аз 50 созмони иҷтимоии Тоҷикистон, ба хусус минтақаи Бадахшон маҳсули ҳунарии худро ба маърази тамошо мегузоранд.
Зимнан, ин панҷумин ҷашнвораи байналмиаллии мусиқӣ, ҳунар ва туризм - "Боми Ҷаҳон" аст, ки дар Тоҷвикистон баргузор мешавад.

Ба гуфтаи роҳбари фестивал қарор буд, ки дар фестивал 21 нафар хунармандони ноҳияи тоҷикинишин Тошкуғони Чин ширкат меварзиданд. Вале  бинобар мушкилоти дарёфти раводид, ин ҳунармандон дар фестивал ширкат карда наметавонанд.

Ҳамчунин гуруҳи ҳунармандони хуҷандӣ, ки мехостанд, дар фестивал фолклори Хуҷандро муаррифӣ кунанд, ба фестивал наомаданд. Ба гуфтаи роҳбари фестивал ба вай аз Хуҷанд телефон карданд, ки ҳунармандон ба сабаби даъват  ба тӯйи як «калошншаванда» дар фестивал ширкат карда наметавонанд.

x
Рассоми театри Хуҷанд Акбар Маҳмудов дар сӯҳбати телефонӣ бо "Озодӣ" изҳор таассуф кард, ки гурӯҳи иборат аз ҳаваскорони мухталиф мехостанд ба Хоруғ сафар карда, фолклори мардумиро ба тамошобинони фестивал пешкаш намоянд, вале сабаби лағви сафарро ба ногаҳон пеш омадани корҳои хоҷагидорӣ ва вазъи оилавии бархе аз ҳунармандон марбут донист. Дар фестивал ҳамчунин гурӯҳи «Шамс» ва «Само» ширкат меварзанд.

Довуд Пажмон мегӯяд, ки вай бо гурӯҳи худ созу навои маҳалии мардуми Вахони Бадахшони Афғонистонро ба фестивал армуғон овардааст ва бовар дорад, ки фестивал дар таҳкими дӯстӣ ва табодули фарҳангӣ нақш хоҳад дошт.

Фазл Амонбек, сардори гуруҳи ҳунарии тоҷикони Покистон гуфт, ки дар Гилгит ва Хунзаи ин кишвар бештар аз 20 ҳазор тоҷикон зиндагӣ доранд ва гурӯҳи онҳо дар фестивал ба забони вахонӣ-тоҷикӣ ва урду суруд мехонанд. Ба гуфтаи вай, пас аз таъсиси анҷумани тоҷикони Вахони Покистон дар соли 1991 таваҷҷӯҳ ба фарҳанги тоҷикӣ байни тоҷикони Покистон афзоиш ёфтааст. Вай гуфт, ки агар пештар ду-се овозхон доштанд, ки ба забони вахонӣ-тоҷикӣ месуруданд, айни ҳол теъдоди чунин ҳунармандон ба бештар аз 60 нафар мерасад. Ҳамчунин бо кӯмаки ҳукумати марказии Покистон дар Гилгит радио таъсис ёфтааст, ки ҳамарӯза ба забони вахонӣ хабарҳо ва барномаҳои фарҳангӣ пахш мекунад. Намояндаи шаҳрдории Хоруғ дар маросими ифтитоҳ фестивалро барои ҳамгироии фарҳангӣ ва рушди сайёҳӣ муҳим арзёбӣ намуд.


Ин баҳс баста шудааст.
Гурӯҳбандии назарҳо
Назарҳо
     
Ном: мардуми кадими Точик аз: Помир ва Точикистон
05.07.2013 13:25
Ба иштирокчиен ба рохбарони ин фестивал муваффакиятхо орзумандем. Мехостем дигар хунармандони босалокаи шахри бостонии Хучанд, Кулоб ва дигар бародаронамонро аз Тошкургон хам бинем, акнун нашуд, интизори онхо хастем дар дигар фестивалхои Помир ва Точикистон. Умуман гузарондани ин фестивали фолкери ба сокинони Хоруг ва махалхои хамсояхои он як нафаси тоза мебахшад, бади ин соли бисер хам вазнин ба ахолии он. Хуб мешуд, агар ба кори фестивал ба гаир аз мутахассисони аслии ин соха дигар шахсони "баландсоха" дахола намекарданд ва хамчун тамошобин, ба монанди тамоми халк онро чонибдори мекарданд.Бархурди хунармандони сохахои гуногуни фолкери халки дар сахнахои ин фестивал, ин яке аз боигарохои асосии мардуми кадими Точик мебошад ва мо, сокинони Хоруг онхоро хушомад мегуем. Хамаи хунармандонро дуст медорем ва интизори онхо хастем.

Ном: Мардон аз: Душанбе
05.07.2013 13:43
агар калоншаванда ба хунармандон пули калон дихад, шарт нест ба хоруг рафтанд.Пул бошад, дар кучое бошад, мехони ва меракси.
Дар посух

Ном: Dustdori sanat аз: dur az Pomir
06.07.2013 07:34
Xai guftem ki dar zindagii inson ba ghair az pul boz chizhoi digar ham hastand, ba monandi sanat, madaniyat, dustivu rafoqat, mehmondori, munosiboti insoni va ghaira. Bemalol boshed da, Mardoni jun.

Назари Шумо чист?

Бойгонии назарсанҷӣ

Писандидаҳо

Тамос бо Радиои Озодӣ

Агар хабаре доред ё мехоҳед, масъалаеро дар миён гузоред, бо имейли Tajik@rferl.org ё телефони интернетии ozodi.skype бо мо дар тамос шавед. Ҳамчунин телефонҳои мо дар хидмати Шумо:

Дар Душанбе:          988 65 94 63               988 65 94 64            985 63 83 56
Дар Прага:               420 725 03 79 43   
Skype Me™! Add me to Skype