Салими Аюбзод
Президенти Тоҷикистон Эмомалӣ Раҳмонов рузи 11 март тасмим гирифт, ки ҳукми қатли Абдуалӣ Қурбонов ба иҷро нарасад. Созмони Авфи Байналмилал бо нашри як баёния гуфт, бо давъати он ҷомеаи ҷаҳонӣ, созмонҳои ҳуқуқи башар ва ҳазорон нафар аз шаҳрвандони оддӣ ба президенти Тоҷикистон муроҷиат ва аз у қатл накардани Қурбоновро дархост карданд.
Созмони Авфи Байналмилал меафзояд, аз парвандаи Қурбонов дар аввали моҳи март огоҳ шудааст ва сар аз чорум март ба у иҷрои ҳукм таҳдид мекард. Авфи Байналмилал ба ҳамаи онҳое, ки зери номаи зидди иҷрои ин ҳукм имзо гузоштаанд, изҳори сипос кардааст.