Пайвандҳои дастрасӣ

Хабари нав

Тағйири нарх ва сифати ғизо дар Рамазон


Пас аз якчанд рӯз аз эъломи қарори шаҳрдории Душанбе дар бораи танзими нархҳо дар моҳи Рамазон имрӯз шиддати асабонияти гӯштфӯрӯшони бозорҳои пойтахт хеле коҳиш ёфта, дар дӯконҳо хеле ором бо харидорон муомила мекарданд.

Мувофиқи нишондоди ҳукумати шаҳр, ки дар пештоқи ҳар як дӯкон зада шудааст, як кило гӯшти гов 18 сомонӣ ва гӯшти гусфанд 19 сомонӣ муайян шудааст.

То моҳи Рамазон дар як рӯз чоруним тонна гӯшт фурӯхта мешуд, вале ҳоло дар як рӯз шашуним тонна гӯшти гов ва наздики се тонна гӯшти гусфанд фурӯхта мешавад.

Дар бозори Шоҳмансур имрӯз тақрибан панҷараҳои аксари дӯконҳои гӯштфурӯшӣ боз буд, вале анвои гӯшт бо сифатҳои мухталиф, бархе гӯшти сурх, баъзе гӯшти заъфаронӣ ва каме коҳида, ба фурӯш гузошта шудааст.

Аммо тавре харидорон мегӯянд, гӯшт аз нархи мушаххасшуда зиёд фурӯхта нашудааст ва инро худи гӯштфурӯшон низ тасдиқ мекунанд.

Вале аксари гӯштфурӯшҳо ишора мекарданд, ки Рамазон ҳамагӣ як моҳ идома мекунад ва вазъ боз ба ҳолати пештара бармегардад. Онҳо таъкид мекарданд, ки ин роҳи ҳалли масъала нест.

Нарх ва сифати озуқа дар моҳи Рамазон
лутфан мунтазир бошед

Феълан кор намекунад

0:00 0:03:18 0:00

XS
SM
MD
LG