Пайвандҳои дастрасӣ

Хабари нав

Сулаймон Саидов аз як чашмаш маҳрум шуд


Сулаймон Саидов
Сулаймон Саидов

Нашрияи “Новая газета”-и чопи Маскав хабар дод, ки шаҳрванди Тоҷикистон Сулаймон Саидов аз чашми росташ маҳрум шудааст. Чашми ӯро табибон тавассути ҷарроҳӣ дар Пажӯҳишгоҳи амрози чашми ба номи Гелмголтс гирифтаанд. Қаблан низ тавассути ҷарроҳӣ устухонҳои порашудаи косахонаи сари Сулаймон Саидовро берун оварда буданд.

Сулаймон Саидов рӯзи 8 апрел дар метрои Маскав ҳадафи ҳамлаи як марди 59-солаи мусаллаҳ бо туфангчаи травматикӣ қарор гирифт. Олег Тсарёв дар пайи муноқиша бо Сулаймон ва додарзодааш туфангчаи худро берун кашида, бо ин нидо ки “Ин ҷо ҷои ту нест!” ба сари муҳоҷири тоҷик тир холӣ кард. Олег Тсарёв феълан дар боздошт қарор дорад ва алайҳи ӯ бар асоси қисми аввали моддаи 105-уми Кодекси ҷиноии Русия (қасди куштор) парвандаи ҷиноӣ кушодаанд. Барои ҷарроҳии чашми Сулаймон Саидов ҷамъиятҳои тоҷикон ва созмонҳои ҳомии ҳуқуқи Русия, аз ҷумла “Гражданское содействие” пул ҷамъ карданд.

XS
SM
MD
LG