Пайвандҳои дастрасӣ

logo-print

Нигоҳ аз ду зовия: Моҷаро дар донишкадаи ҳунарҳои зебо


Абӯбакр Зубайдов (аз чап) ва Аслиддин Низомов

Абӯбакр Зубайдов (аз чап) ва Аслиддин Низомов

Додгоҳи ноҳияи Фирдавсӣ ба баррасии баҳси миёни раиси Донишкадаи ҳунарҳои зебо, нашрияи «Нигоҳ» ва шаш тан аз собиқ устодони ин донишкада шурӯъ мекунад.

Фардо ҷумъаи 15 март дар додгоҳи ноҳияи Фирдавсии шаҳри Душанбе баррасии баҳс миёни Аслиддин Низомов, раиси Донишкадаи ҳунарҳои зебои ба номи Мирзо Турсунзода ва нашрияи «Нигоҳ», Аҳлиддин Салимов, хабарнигори ин ҳафтанома ва шаш тан аз собиқ устодони ин донишкада оғоз мешавад. Раиси Донишкадаи санъати Тоҷикистон ин нашрия, хабарнигор ва устодони собиқро бо иттиҳоми "тӯҳмат ва таҳқир" ба додгоҳ кашондааст.

Ин ҳам дар ҳоле, ки чанд тан аз собиқ устодони донишкадаи санъати Тоҷикистон дар матлаби «Гуcели мағзҳо аз Донишкадаи санъат, ки дар шумораҳои 47 ва 48-уми ҳафтаномаи «Нигоҳ» мунташир шудааст, Аслиддин Низомов, раиси Донишкадаи ҳунарҳои зеборо ба муносибати дағалона бо зердастон мутаҳҳам карда гуфтаанд, ки дар пайи фишори раҳбар муддати чанд соли ахир беш аз 10 устоди ин таълимгоҳ, ки ҳамагӣ доктор буданд, аз ҷумла Абӯбакр Зубайдов, Файзӣ Боқиев, Қурбони Собир ва дигар олимону ҳунармандони саршиноси кишвар тарки донишкада кардаанд.

Аслиддин Низомов, ки дар гузашта масъули шӯъбаи фарҳанги дастгоҳи иҷроияи президенти Тоҷикистон буд ва раҳбарии Иттиҳоди оҳангсозони кишварро бар ӯҳда дошт, аз соли 2007 то кунун дар мақоми раиси донишкадаи санъати ба номи Мирзо Турсунзода фаъолият мекунад. Ҳайъати устодону омӯзгорон ва кормандони донишкадаро беш аз 190 нафар ташкил медиҳад.

Навори видеоии «Озодӣ» баҳси бепардаи ҳарду ҷониб сари қазияи мазкурро ба намоиш мегузорад.


Намоиши шарҳҳо

XS
SM
MD
LG