Пайвандҳои дастрасӣ

Яке аз раҳбарони гурӯҳҳои силоҳбадасти Хоруғ хабари боздошт ва ба Душанбе интиқол ёфтанашро рад кард.

Рӯзи 24-уми август, баъд аз пахш шудани хабари ин ки гӯиё Толиб Аёмбеков, муттаҳами аслии куштори генерал Абдулло Назаров (дар таърихи 21 июл), барои идомаи бозпурсиҳо ба Душанбе интиқол ёфтааст, ӯ бо Радиои Озодӣ ҳамсӯҳбат шуд. Вай гуфт, дар манзилаш ба сар бурда, ҳаққи тарк кардани шаҳрро надорад.

Ӯ гуфт, розӣ аст танҳо дар мавзӯи будубошаш дар Хоруғ ба саволҳои Радиои Озодӣ посух бидиҳад.

Айёмбеков: "Ман ба ҳеҷ куҷо нарафтаам, дар хона ҳастам. Ман "под подписку о невыезде" ҳастам."

Озодӣ: Мегуфтанд, ки замоне Шумо дар шифохона будед, Шуморо ОМОН ҳимоят мекард...

Айёмбеков: "Бале, ин рост аст. Ман рӯзи 21-ум август ҳамон санади "под подписку о невыезде"-ро имзо кардам ва бе конвой озод ҳоло дар шаҳр ҳастам."

Озодӣ: Шуморо ҳоло кӣ ҳимоят мекунад?

Айёмбеков: "Ман танҳо дар амони худо ҳастам."

Озодӣ: "Баъд аз кушта шудани Имомназар Имомназаров мегӯянд, ки хатари рух додани ҳама гуна ҳодиса вуҷуд дорад. Оё Шумо худро муҳофизат карда метавонед?

Айёмбеков: "Бо дасти холӣ чӣ хел муҳофизат мекунед? Бачаҳо ҳастанд, аммо бо дасти холӣ ҳеҷ кас муҳофизат карда наметавонад. Фақат Худо ҳаст дар болои сари мо."

Андешаи Шумо

Намоиши шарҳҳо

XS
SM
MD
LG