Пайвандҳои дастрасӣ

Хабари нав

Беш аз 100 муҳоҷири тоҷик дар интизори ихроҷ аз Русия


Хадамоти муҳоҷирати Тоҷикистон мегӯяд, айни ҳол беш аз сад муҳоҷири тоҷик дар Маскав дар ҳоли ихроҷ қарор доранд.

Ба иттилои Хадамоти муҳоҷирати назди ҳукумати Тоҷикистон, 111 муҳоҷири тоҷик дар Маркази нигаҳдории шаҳрвандони хориҷии рақами 1-и Раёсати умури дохилии Маскав замони ихроҷашонро аз Русия интизоранд.

Дафтари матбуоти Хадамоти муҳоҷирати Тоҷикистон дар Русия рӯзи 13-уми декабр иттилоъ дод, ки намояндаи ин хадамот, Азиз Халилов, рӯзи панҷшанбе аз маркази нигоҳдории рақами аввали умури дохилии Маскав боздид карда, бо вазъи шаҳрвандоне, ки боздошт шудаанд, шинос гардидааст. Далели ихроҷи аксари онҳо нақзи қоидаҳои ҳузур дар қаламрави Русия арзёбӣ мешавад.

Азиз Халилов бо чанде аз шаҳрвандони Тоҷикистон, ки дар ин марказ ба сар мебаранд, ҳамсуҳбат шуда, муайян кардааст, ки онҳо бо ғизои севақта таъмин буда, дар ҳафта ду маротиба барои шустушӯ имконият доштаанд.

Алексей Смирнов, муовини раиси Маркази нигоҳдории шаҳрвандони хориҷии рақами аввали Маскав, дар суҳбат бо намояндаи Хадамоти муҳоҷирати Тоҷикистон ваъда додааст, ки дар наздиктарин фурсат муҳоҷирони тоҷикро ба Ватан истирдод хоҳад кард.
XS
SM
MD
LG