Пайвандҳои дастрасӣ

logo-print

Ҷарроҳон дар шиками бемор телефони мобилро фаромӯш кардаанд


Акс аз бойгонӣ

Акс аз бойгонӣ

Барои кӯмак ба таваллуди тифли як зани 36-солаи урдунӣ Ҳанон Маҳмуд Абдулкарим пизишкон маҷбур шуданд, ӯро ҷарроҳии “кесарево сечение” кунанд, аммо баъд ҳодисае рӯй дод, ки дар сархатти расонаҳои ҷаҳонӣ ҷой гирифт.

Расонаҳои ҷаҳонӣ ин хабарро, ки нахуст нашрияи арабии англисизабони Gulf News нашр кардааст, рӯзи 15 май ба саросари дунё бо ин ишора паҳн карданд, ки ҳақиқати ин воқеа аз ҷасуронатарин хаёлот ҳам бартар аст.

Моҳи гузашта 36-солаи урдунӣ Ҳанон Маҳмуд Абдулкарим дар зоидани тифл бо мушкил рӯбарӯ гашт ва пизишкон маҷбур шуданд, навзодро бо ҷарроҳии C-section ё “кесарево сечение” аз батни модар берун оранд. Тифл саломат ба дунё омад ва боиси хушҳолии аҳли оила гашт. Аммо ин поёни достон набуд.

Хонаводаи Ҳанон ба зудӣ ошкор карданд, ки на ҳама чиз дуруст аст – шиками ӯ меларзид ва сахт дард мекард. Ва рӯз то рӯз даст шадидтар мешуд.

Оқибат, шавҳраш ӯро ба бемористони Ал-Башир бурд ва дар озмоиши рентгенӣ дида шуд, ки мушкил чист. Мушкил ин буд, ки пизишке телефони мобили худро дар шиками Ҳанон фаромӯш карда буд.

Боварнакарданист? Вале қиссаҳои зиёде мавҷуд аст, ки ҷарроҳон дар бадани бемороне, ки онҳоро ҷарроҳӣ мекунанд, чизҳоеро фаромӯш мекунанд.

Рӯзномаи Washington Post дар соли 2014 навишта буд, ки пизишкон дар ҳар ҷарроҳии 5500 то 7000-ум аз беэҳтиётӣ ин ё он ашёро дар бадани бемор фаромӯш мекунанд.

Намоиши шарҳҳо

XS
SM
MD
LG