Пайвандҳои дастрасӣ

Мӯҳсин Муҳаммадиев, сармураббии мунтахаби футболи Тоҷикистон, ҳайати дастаашро ба бозии дӯстона бо тими Беларус эълон кард.

Сармураббии мунтахаби миллии футболи Тоҷикистон Мӯҳсин Муҳаммадиев ба бозии дӯстона бо тими миллии Беларус ба ҳайати даста 23 футболбозро шомил кардааст. 13 нафар аз аъзои тими миллӣ аз тими "Истиқлол"-и Душанбе, 3 нафар - аз "Регар-ТадАЗ", 2 нафар аз "Парвоз" ва якнафарӣ аз тимҳои «Вахш», ССКА «Помир», «Энергетик» ва «Хайр» намояндагӣ мекунанд. Давронҷон Эргашев танҳо легионер дар мунтахаби Тоҷикистон буда, дар дастаи «Жетису»-и Қазоқистон ҳунарнамоӣ мекунад.

Ба иттилои дафтари матбуоти Федератсияи футболи Тоҷикистон, барои аввалин бор ба ҳайати мунтахаби кишвар дарвозабони 20-сола Мӯъминҷон Гадойбоев аз дастаи «Парвоз»-и Бобоҷон Ғафуров даъват шудааст.

Ҳайати мунтахаби миллии Тоҷикистон дар бозии дӯстона бо мунтахаби Беларус:

Дарвозабонҳо: Алишер Тӯйчиев («Истиқлол»), Мӯъминҷон Гадойбоев («Парвоз»), Алишер Додов («Регар-ТадАЗ»);

Ҳимоятгарон: Давронҷон Эргашев («Жетису», Қазоқистон), Соҳиб Саванкулов («Вахш»), Алишер Шарифов («Регар-ТадАЗ»), Сиёвуш Асроров, Наим Ӯлмасов, Аҳтам Назаров, Эраҷ Раҷабов, Ҷаҳонгир Ҷалилов (ҳама – аз «Истиқлол»);

Нимҳимоятгарон: Хуршед Маҳмудов, Умедҷон Шарифов, Нуриддин Давронов, Фатҳулло Фатҳуллоев, Ромиш Ҷалилов (ҳама – аз «Истиқлол»), Амирбек Ҷӯрабоев («Хайр»), Фаридун Шарифов (ССКА «Помир»);

Ҳамлагарон: Фарҳод Тоҳиров («Парвоз»), Дилшод Восиев, Ҷаҳонгир Эргашев (ҳарду – «Истиқлол»), Аҳтам Ҳамроқулов («Регар-ТадАЗ»), Шодибек Ғаффоров («Энергетик»).

Сармураббӣ: Мӯҳсин Муҳаммадиев.

Ёдовар мешавем, ки бозии дӯстона байни дастаҳои мунтахаби миллии Беларус ва Тоҷикистон 4-уми сентябр дар шаҳри Борисов, дар варзишгоҳи “Борисов-Арена”соати 19:00 ба вақти маҳаллӣ ва соати 21:00 ба вақти Душанбе шурӯъ мешавад.

Бояд тазаккур дод, ки дастаҳои мунтахаби Беларус ва Тоҷикистон барои аввалин бор бо ҳам рӯбарӯ мешаванд. Дар айни ҳол, дар рейтинг ё раддабандии ФИФА Беларус дар ҷойи 88-ум ва Тоҷикистон дар ҷойи 120-ум қарор доранд.

Дастаи мунтахаби Тоҷикистон омодагиро ба бозии дӯстона бо мунтахаби Беларус рӯзи 29-уми август дар урдугоҳи Академияи футболи “Истиқлол”, дар дараи Алмосии ноҳияи Ҳисор шурӯъ мекунад.

Намоиши шарҳҳо

XS
SM
MD
LG