Абдулазиз Комилов, вазири корҳои хориҷии Узбакистон, дар суханрониаш дар Маҷмаи умумии Созмони Милали Муттаҳид гуфт, ки кишвараш сиёсати ҳамроҳ нашудан ба блокҳои ҳарбиро ҳифз хоҳад кард. Ӯ гуфт, "Узбакистон, инчунин, иҷозат нахоҳад дод, ки дар қаламраваш пойгоҳи низомии хориҷӣ ва ё иншооти давлатҳои дигар ҷойгир шавад." Вазири корҳои хориҷии Узбакистон хабар дод, ки ин кишвар дар оянда ба ҳамаи уҳдадориҳои байналхалқию шартномаҳои дуҷониба ва бисёрҷонибааш содиқ хоҳад монд.