Пайвандҳои дастрасӣ

logo-print

Раиси Кумиссиюни марказии интихобот ва раъпурсии Тоҷикистон аз хабарнигорон хост, то дар пушиши матлабҳо дар раванди баргузории интихоботи раёсатҷумҳурӣ бодиққат ва масъулиятшинос бошанд.

Шермуҳаммади Шоҳиён, ин дархостро рӯзи ҷумъаи 6 сентябр дар мулоқот бо хабарнигорон баён дошт ва таъкид кард, ки бештар воқеиятро нависанд. Ҳамчунин ҷаноби Шоҳиён расонаҳои мустақилро барои ҳамкории зич бо кумиссиюни интихобот даъват кард.

Масъулони КМИРТ дар ин нишаст эълом карданд, ки тибқи қавонини кишвар хабарнигорон дар марҳилаи интихобот метавонанд бо нозирон, интихобкунандагон берун аз бинои комиссияҳо ва марокизи раъй суҳбат карда, матлабҳо нависанд.

Аммо Акбаралӣ Сатторов, раиси Иттифоқи журналистон, ки аз аъзои КМИРТ мебошад, гушоиши ситоди вижа барои журналистонро зарур надонист.

Зеро ба гуфти ҷаноби Сатторов ҳуқуқуҳои хабарнигоронро қонунҳои Тоҷикистон ҳимоя мекунад, ки ҳамин кофист.

Ин дар ҳолест, ки Куммиссиюни марказии интихобот ва раъйпурсии Тоҷикистон (КМИРТ) рӯзи 5-уми сентябр бо ирсоли як нома ба матлаби Радиои Озодӣ бо номи "Моҷарои номаи "махфӣ" ва нигаронии аҳзоб" вокуниш кардааст.

Дар ин матлаб, ки рӯзи 4 сентябр дар сомонаи Озодӣ ва 5-уми сентябр дар рӯзномаи "Имрӯз Нюс" нашр шуд, бо такя ба як санади расмӣ гуфта мешуд, ки ҳукуматҳои шаҳру навоҳӣ аз аҳзоби сиёсӣ хостаанд, ки рӯйхати фаъолони худро дар ихтиёри мақомоти маҳаллӣ гузоранд.

Дар нусхаи чунин нома, ки дастгоҳи ҳукумати шаҳри Норак ба созмонҳои маҳаллии аҳзоби мухолиф фиристодааст, аз ҷумла гуфта мешуд, ки аҳзоб бояд “рӯйхати дақиқи фаъолони ҳизб”-ро ироа кунанд, то аз ҳисоби онҳо куммисиюнҳои маҳаллии интихоботӣ ташкил шаванд. Дар ин нома таъкид мешуд, ки ироаи рӯйхати фаъолони ҳизбҳои сиёсиро бо ирсоли як дастур КМИРТ аз онҳо хостааст.

Аммо КМИР дар вокуниши расмиии худ менависад, "дар хусуси талаб кардани руйхати аъзоёни ҳизбҳои сиёсӣ барои шомил кардан ба комиссияҳои ҳавзавӣ ва участкавӣ ба мақомотҳои иҷроияи маҳаллии ҳокимияти давлатии шаҳру ноҳияҳо ягон мактуб нафиристодааст.»

Намоиши шарҳҳо

XS
SM
MD
LG