Пайвандҳои дастрасӣ

Хабари нав

Тоҷикистон бо Умон, Сурия, Туркманистон ва Молдив рақобат мекунад


Бар асоси қуръакашӣ, ки имрӯз, 21 апрел, дар қароргоҳи AFC (Конфедератсияи футболи Осиё) – дар шаҳри Куала-Лумпури Малайзия - доир шуд, дастаи мунтахаби наврасони футболи Тоҷикистон (U-16) дар мусобиқаи интихобии қаҳрамонии Осиё-2018 дар гурӯҳи «В» бо тимҳои мунтахаби Умон, Сурия, Туркманистон ва Молдив рақобат мекунад. Мусобиқаи ин гурӯҳ дар Тоҷикистон барпо мегардад.

Бар асоси қуръакашӣ, ки имрӯз, 21 апрел, дар қароргоҳи AFC (Конфедератсияи футболи Осиё) – дар шаҳри Куала-Лумпури Малайзия - доир шуд, дастаи мунтахаби наврасони футболи Тоҷикистон (U-16) дар мусобиқаи интихобии қаҳрамонии Осиё-2018 дар гурӯҳи «В» бо тимҳои мунтахаби Умон, Сурия, Туркманистон ва Молдив рақобат мекунад. Мусобиқаи ин гурӯҳ дар Тоҷикистон барпо мегардад.

Мусобиқаи интихобии қаҳрамонии Осиё-2018 бо ширкати 45 даста дар ду минтақа – Ғарбӣ (23) ва Шарқӣ (22) - аз 16 то 24 сентябри соли равон доир мешавад. Аз рӯи натиҷаи қуръакашӣ 10 гурӯҳ ташкил шудааст.

Ба марҳилаи ниҳоии мусобиқаи қаҳрамонии Осиё байни дастаҳои мунтахаби ҷавонони то 16-сола, ки соли оянда баргузор мешавад, ғолибони 10 гурӯҳ ва 5 дастаи беҳтарини ҷойҳои дувум роҳ меёбанд.

Натиҷаи қуръакашии мусобиқаи интихобии қаҳрамонии Осиё-2018 байни дастаҳои мунтахаби ҷавонони то 16-сола:

Минтақаи ғарбӣ

Гурӯҳи «А»: Узбакистон, Арабистони Саудӣ (мизбон), Урдун, Баҳрайн, Шри-Ланка.

Гурӯҳи «B»: Умон, Тоҷикистон (мизбон), Сурия, Туркманистон, Молдив.

Гурӯҳи «С»: Эрон (мизбон), Қирғизистон, Афғонистон, Лубнон, Бутан.

Гурӯҳи «D»: Ироқ, Ҳиндустон, Фаластин, Непал (мизбон).

Гурӯҳи «E»: ИМА, Яман, Қатар (мизбон), Бангладеш.

Минтақаи шарқӣ

Гурӯҳи «F»: Кореяи Шимолӣ, Ҳонконг, Тайван, Макао, Бруней. Гурӯҳи «G»: Тайланд (мизбон), Лаос, Тимори шарқӣ, Ҷазоири Мариани шимолӣ, Индонезия.

Гурӯҳи «H»: Кореяи ҷанубӣ, Чин, Мянмар, Филиппин.

Гурӯҳи «I»: Ветнам, Австралия, Муғулистон (мизбон), Камбоҷа.

Гурӯҳи «J»: Ҷопон, Малайзия, Сингапур, Гуам.

XS
SM
MD
LG