Пайвандҳои дастрасӣ

logo-print

Дастаи мунтахаби миллии футболи Тоҷикистон дар нахустин бозии худ дар даври ниҳоии Ҷоми даъвати Конфедеросиюни футболи Осиё 30-юми июл дар варзишгоҳи Гачибовлии шаҳри Ҳайдарободи Ҳиндустон бо мунтахаби Туркманистон бозӣ хоҳад кард.

Ин дидор соати 15-у 30 дақиқа ба вақти Душанбе шурӯъ мешавад.

Бозии дигари гурӯҳи «А» бегоҳи имрӯз байни дастаҳои миллии Ҳиндустон ва Афғонистон барпо мегардад.

Дастаи Тоҷикистон дар гурӯҳи «A» 1-уми август бо тими Ҳиндустон ва 3-юми август бо дастаи Афғонистон бозӣ хоҳад кард.

Бозиҳои даври аввали гурӯҳи «В» фардо - 31-уми июл - байни дастаҳои мунтахаби Куриёи шимолӣ ва Шри-Ланка, Мянмар ва Непал доир мешаванд.

Чаҳор дастаи беҳтарини ҳарду гурӯҳ ба бозиҳои ниманиҳоӣ, ки 7-уми август барпо мегарданд, роҳ меёбанд. Бозии ниҳоӣ 10-уми август баргузор хоҳад шуд.

Барандаи Ҷоми даъвати AFC-2008 ба даври ниҳоии Ҷоми футболи Осиё-2011, ки дар Қатар доир мегардад, роҳхат мегирад.

XS
SM
MD
LG