Пайвандҳои дастрасӣ

logo-print

Варзишгари тоҷик Аҳрорҷон Маҳмадҷонов дар мусобиқаи байнулмилалӣ дар риштаи бокс барои гиромидошти хотираи фӯлодрези машҳур Макар Мазай дар Укроин соҳиби медали биринҷӣ гардид.

Ин мусобиқаи анъанавӣ барои 42-умин бор бо ширкати беш аз 100 нафар муштзанҳои 10 кишвар баргузор шуд. Дар ҳамаи вазнҳо мизбонон – варзишгарони Укроин пирӯзӣ ба даст оварданд.

Муштзани тоҷик Аҳрорҷон Маҳмадҷонов дар даври ниманиҳоӣ дар вазни то 64 кг аз ғолиби ин мусобиқа, намояндаи шаҳри Полтаваи Укроин Николай Семеняга мағлуб шуд.

Сабқати паҳлавонони навраси Осиё

Аз 24-ум то 28-уми июл дар шаҳри Тошканд мусобиқоти қаҳрамонии Осиё оид ба гуштии озод ва гуштии фарангӣ ё юнониву румӣ байни наврасон баргузор мешавад.

Шарафи Тоҷикистонро дар ин мусобиқот паҳлавонони ҷавони тоҷик Ҳасан Ибтидозода (50 кг), Сайёд Раҳимов (58 кг) ва Манучеҳр Маллаев (69 кг) дар риштаи гуштии озод, Муҳаммад Нӯъмонзода (46 кг), Нуриддин Аланазаров (50 кг) ва Нӯъмон Ризоев (58 кг) дар риштаи гуштии фарангӣ ҳимоя хоҳанд кард.

Машваратдодашуда

XS
SM
MD
LG