Эрон мегӯяд, афроди мусаллаҳ дар ғарби Афғонистон 12 муҳандиси эрониро рабудаанд. Сухангӯи вазорати хориҷаи Эрон Ромин Меҳмонпараст гуфт, ин муҳандисон дар вилояти Фараҳ барои як ширкати сохтмонӣ кор мекарданд. Аммо ӯ аз далоили истода дар паси ин ҳамлаи рӯзи якшанбе чизе нагуфт. Ноиби волии Фараҳ Муҳаммадюнус Расулӣ гуфт, танҳо 9 тан аз рабудашудагон атбоъи Эрон ва сеи дигар афғон будаанд. Онҳо дар сохтмони шоҳроҳи 120-километрие, ки вилояти Фараҳро бо устони Хуросони Эрон хоҳад пайваст, кор мекарданд.