Маъракаи таблиғ дар даври дувуми интихоботи президентии Сербия ба марҳилаи ниҳоӣ ворид мегардад. Президенти феълии ғарбгаро Борис Тодич ва миллатгарои сарсахт Томислав Николич дар арафаи овоздиҳии ҳалкунандаи рӯзи якшанбе дар ду майдони ба ҳам наздики шаҳри Белград гирдиҳамоии тарафдорони худро ташкил мекунанд. Шаби гузашта дар баҳси телевизионӣ, Тодич ин интихоботро назархоҳии ҳамоиши Сербия бо Иттиҳоди Аврупо унвон кард.
