Додгоҳи Фаронса ширкати автомобилбарории "Волво"-и Шведро дар ҳалокати одамон айбдор ва ба пардохти 300 ҳазор доллар товон маҳкум кард. Додситонҳо нуқси фишангҳои исти ин автомобилро сабаби ғайримустақим, вале асосии садамаи соли 1999 дар шарқи Фаронса донистанд, ки бар асари он ду кӯдак кушта шуд. Ронандаи мошини "Волво", ки ду мактаббачаро зер карда буд, ба шаш моҳи маҳбас ва 300 евро ҷарима маҳкум гашта буд.
