Пайвандҳои дастрасӣ

Эрон эъдом дар мазҳари омро мутаваққиф мекунад


Раиси додгоҳи Эрон ҳукм баровард, ки эъдомҳо дар мазҳари ом мутаваққиф гарданд. Ба қавли оятуллоҳ Маҳмуд Ҳошимӣ-Шаҳрудӣ ин навъи эъдом бояд фақат баъди тасдиқи ӯ амалӣ гардад.
Дар Эрон масъулони ҷиноятҳои вазнин аз қабили куштор, қочоқи маводи мухаддир ва таҷовуз ба номус ҳанӯз ҳам метавонанд дар паси девори зиндон эъдом шаванд.
Шореҳон тахмин мекунанд, ки ҳадаф аз ин иқдоми Ҳошимӣ-Шаҳрудӣ поин бурдани намои эъдом дар Ҷумҳурии исломӣ мебошад.
Кишварҳои аврупоӣ ва ҳомиёни ҳуқуқи башари мамолики ғарбӣ Эронро барои боло бурдани мизони эъдом танқид мекунанд. Аз моҳи июли гузашта ба ин тараф, яъне аз замоне, ки ҳукумати Эрон мубориза бо бадахлоқиро оғоз намудааст, дар ин кишвар мизони эъдом ба вижа эъдом дар мазҳари ом афзоиш ёфтааст.
Дар ин байн хабаргузории Форс иттилоъ додааст, ки имрӯз дар зиндони Эвини Теҳрон 5 шахси муҷрим эъдом шуданд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG