Субҳи имрӯз, 25 январ, маҷлиси ҳукумати ҶТ оғоз шуд, ки дар он натоиҷи соли гузашта, вазоиф барои соли 2008 ва масоили кадрӣ матраҳ хоҳанд шуд. Маҷлиси солона зери раёсати Президент Эмомалӣ Раҳмон баргузор мешавад. Бино бар хабари сомонаи раисҷумҳур, дар он «ҳисоботи муфассали роҳбарони вазорату идораҳо, бонкҳо, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо шунида шуда, оид ба натиҷаҳои кори яксолаи онҳо хулосаҳои зарурӣ бароварда мешавад».
