Саҳифаи аввали маҷалла ба ҷараёни омодагиҳо ба Олимпиадаи Пекин, ки аз 8-ум то 24-уми августи соли 2008 доир мегардад, ва ширкати варзишгарони тоҷик дар мусобиқоти интихобии олимпӣ бахшида мешавад. Дар ин мавзӯъ сӯҳбате дорем бо Муҳаммадшоҳ Абдуллоев, мудири иҷроияи Кумитаи миллии олимпии Тоҷикистон, ки ба Ҷумҳурии Мардумии Чин сафари хидматӣ дошт.
Саҳифаи дувуми маҷалла ба иштироки дастаи «Регар» ТадАЗ-и Турсунзода, қаҳрамони футболи Тоҷикистон дар Ҷоми қаҳрамонони футболи кишварҳои Ҷомеаи Муштаракулманофеъ ва Балтик дар шаҳри Санкт-Петербурги Русия бахшида шудааст. Мусоҳибаи мо бо Маҳмадҷон Ҳабибуллоев, сармураббии дастаи «Регар» ТадАЗ ба таваҷҷӯҳи шунавандагон пешкаш мешавад.
