Нигарониҳо аз имкони поинравии вазъи иқтисодии ИМА боиси поинравии идомаёбандаи нишондодҳои бозори саҳҳом дар саросари ҷаҳон шуд. Дар ҷараёни оғози доду ситади имрӯза дар бозори аслии саҳҳоми Аврупо - дар Лондон поинравии нишондодҳо се дар садро ташкил дод. Гуфта мешавад, ки ин бузургтарин коҳиши саҳҳом дар 7 соли охир мебошад. Субҳи имрӯз қимати саҳҳом дар Ҷопон 5,7 фоиз поин омад ва дар Чин беш аз 7 дар садро ташкил кард. Раиси Сандуқи байналмилалии асъор Доминик Штраусс-Канн вазъи иқтисоди ҷаҳониро "ҷиддӣ" арзёбӣ кард.