Пайвандҳои дастрасӣ

Коҳиши секаратаи саҳмияи кории муҳоҷирон дар Русия


Соли 2008-ум Русия мехоҳад наздик ба 2 миллион муҳоҷири корӣ қабул кунад. Ин рақам назар ба соли 2007-ум 3 баробар камтар аст. Саҳмияи муҳоҷирони корӣ аз он сабаб коҳиш ёфтааст, ки аксари муҳоҷирон саъй мекунанд ба Маскав ва ё Санкт-Петербург раванд, зеро дар он ҷо маош калонтар аст. Ба қавли хадамоти муҳоҷирати Русия феълан Маскаву Санкт-Петербург ба қабули ҳамаи хоҳишмандон ҳозир нестанд.
Соли 2007-ум аз кишварҳое, ки бо Русия режими раводид доранд, 308 ҳазор муҳоҷир барои кор ба Русия омада буданд. Ҳамчунин 6 миллион муҳоҷири дигар аз кишварҳое, ки бо Русия равуои озод доранд, бо кор таъмин шуда буданд.
Раиси хадамоти муҳоҷирати Русия Константин Ромодановский мегӯяд, коҳиши саҳмияи муҳоҷирони корӣ то 2 миллион нафар имкон медиҳад, ки ба истилоҳ "гарстарбайтерҳо" (муҳоҷирони корӣ) корҳои ғайришаръиро хотима бахшида, барои дарёфти шуғли расмӣ талош варзанд.
XS
SM
MD
LG