Дар нооромиҳои сартосарии Кения ба дунболи бозинтихоби шубҳабарангези президенти феълӣ Мваи Кибаки дастикам 124 нафар кушта шудааст. Ошӯбҳо баъд аз эълони пирӯзии Кибаки дар интихобот чандин минтақаи Кенияро фаро гирифтанд. Дар ин байн сафорати Иёлоти Муттаҳида дар Кения гуфт, дар шумориши ройҳо дар ин интихобот хилофкориҳои ҷиддие ба вуқӯъ пайвастааст. Дар изҳороти сафорат ҳарду тарафи низоъ ба хештандорӣ даъват шудаанд.
