Пайвандҳои дастрасӣ

Русия имсол ба таври бесобиқа силоҳ фурӯхтааст


Сергей Иванов, муовини аввали сарвазири Русия эълом дошт, ки имсол кишвараш ба дигар мамолик ба маблағи беш аз 7 милиард доллар силоҳ ва техникаи низомӣ фурӯхтааст. Гуфта мешавад, ки бори нахуст Маскав ба фурӯши теъдоди бузурги силоҳу таҷҳизоти низомӣ муваффақ шудааст. Имсол Ҳиндустон, Алҷазоир, Венесуэла ва Малайзия аз Русия 70 ҳавопаймои низомии “Су” ва “МиГ” ва чархболи “Ми”-ро харидорӣ карданд ва аз ин тиҷорат ба хазинаи кишвар тақрибан 3 миллиард доллар ворид гардид.

Афзоиши содироти силоҳу таҷҳизоти низомӣ, ба навиштаи хабаргузориҳои Русия, натиҷаи созишҳои ҳосилшуда дар се соли ахир аст. Баъд аз шурӯъи амалиёти низомии ИМА дар Ироқ ва Афғонистон бархе аз кишварҳои исломӣ ба миқдори бузург силоҳ ва техникаи низомии Русияро харидорӣ кардаанд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG