Муовини раҳбари созмони терорристии Ал-қоида Айман Завоҳирӣ гуфт, ки вогузор шудани идораи умури амниятӣ ба дӯши нерӯҳои Ироқӣ дар Басра баёнгари он аст, ки тундравон дар ин шаҳр қавитар мешаванд. Ин баёнияи видеоии Айман Ал Завоҳирӣ дар як сомонаи интернетии тундравони исломӣ баъд аз он нашр шуд ки нерӯҳои Бритониё рӯзи якшанбе масъулияти идораи умури амниятии вилояти Басраро ба дӯши қувваҳои ҳукумати Ироқ гузоштанд.
