Вазири умури хориҷаи Амрико Кондолиза Райс барои идома додани фишорҳои байналмилалӣ ба Эрон ҳимояти Олмону Фаронсаро ба даст овард. Хонум Райс, ки барои гуфтӯгу бо мақомоти кишварҳои аврупоӣ ва Русия ба шаҳри Брюссел омадааст, хостори афзоиши фишорҳои бештари байналмилалӣ ба зидди Эрон шуд, то ин кишвар фаъолиятҳои ғанисозии ураниумро муттавақиф кунад. Ҳангоми нишасти хабарии муштарак бо раиси ҷумҳури Фаронса Николя Саркозӣ, садри аъзами Олмон Ангела Меркел дар шаҳри Порис гуфт, Эрон "ҳанӯз ҳам як хатар" аст. Дар чанд рӯзи пеш хадамоти иттилоъотии Амрико дар як гузориш гуфтанд, ки Эрон барномаҳои сохти силоҳи атомиро дар соли 2003 муттавақиф кардааст, ҳарчанд то кунун таъкид мешуд, ки Эрон барои даст ёфтан ба силоҳи атомӣ талош мекунад.
