Раҳбари нирӯҳои мухолифини Русия Гарри Каспаров дирӯз баъди анҷоми мӯҳлати панҷрӯзаи зиндонаш ба озодӣ баромад. Боздошти Каспаров рӯзи 24 ноябр сурат гирифт, вақте раҳпаймоҳие ба раҳбарии вай аз марзи маҳалли иҷозадодашуда берун баромад. Вай раҳбари ҷумбиши "Русияи дигар" аст. Дар баробари Каспаров рӯзҳои шанбеву якшанбеи гузашта ҳудудан 200 пуштибони мухолифин дар Маскаву Санкт-Петербург боздошт шуданд.
