Пайвандҳои дастрасӣ

Муҳофизон масъули куштор дар Бағлонанд


Масъулияти куштори теъдоди зиёди мардум бар асари як ҳамлаи маргталабона ба вакилони порлумони Афғонистон бар дӯши муҳофизони вакилон хоҳад буд. Ин нуктаи аслии гузориши коршиносони Созмони Милали Муттаҳид аст, ки ҳамлаи терористии рӯзи 6 ноябр дар вилояти Бағлонро таҳқиқ карданд. Дар ин ҳамла зимни ифтитоҳи як корхона шаш вакили порлумон кушта шуданд. Дар маҷмӯъ дар ин ҳодиса 77 кас ба ҳалокат расида, беш аз сад нафар ҷароҳат бардоштанд. Миёни кушташудагон кудакон низ зиёданд.

Дар гузориш гуфта шудааст, ки баъди таркиш муҳофизон чаҳор сӯ бенизом оташ кушоданд ва ин мунҷар ба ҳалокати теъдоди зиёди мардум гардид. Гузориши коршиносони Созмони Милали Муттаҳид як таҳқиқоти дохилист ва дар матбуот нашр нахоҳад шуд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG