Пайвандҳои дастрасӣ

logo-print

Буш ба Туркия дар муқобила бо шӯришиёни курд кӯмак мекунад


Раиси ҷумҳурии Амрико Ҷорҷ Буш ба нахуствазири Туркия ваъдаи ироаи кӯмакҳои зиёд дар самти муқобила бо шӯришиёни Ҳизби Коргарони Курдистон кард. Баъди музокира бо Эрдуғон дар Кохи Сафед, дар баробари хабарнигорон Буш аз ин ҳизб ба унвони як ташаккули террористӣ ёд кард, ки на танҳо барои Туркия, балки барои Ироқу ИМА душман маҳсуб меёбад. Буш инчунин талошҳои дипломатии Эрдуғонро барои раҳоии 8 сарбози туркӣ ситоиш кард. Эрдуғон, ҳарчанд нагуфт, ки дар кадом фурсати замонӣ Туркия ният дорад амалиёти низомии худро алайҳи шӯришиён дар марз бо Ироқи шимолӣ ба роҳ монад, аммо гуфт, ки парлумони Ироқ ба чунин амалиёт иҷоза додааст. Туркия ҳудудан 100 ҳазор сарбози худро дар марз бо Ироқ мустақар кардааст.
XS
SM
MD
LG