Дар вилояти Шимолу ғарбии Покистон афроди мусаллаҳ 13 нафарро ба қатл расониданд. Мақомоти маҳаллӣ гуфтанд, ки рӯзи ҷумъа дар водии Сват 6 тан аз кормандони неруҳои амниятии кишвар рабуда шуданд. Ҷасадҳои сарбуридаи онҳоро имрӯз пайдо карданд. Дар ҳамин водӣ ҳамчунин 7 тан аз сокинони осоишта ба қатл расонда шуданд. Тафтиши ин ҳодиса шурӯъ шудааст ва аммо масъулини онро ҳанӯз ягон гурӯҳ бар дӯш нагирифтааст.
